لا تسأليني امانه ليه اناجيتك!

بسم الله الرحمن الرحيم ....

لا تسأليني امانه ليه انا جيتك !
في داخلي شي قال إنك وحشتيني
***

شي ٍ أخذني و وداني على بيتك
بلى شعور امشي وادل العناويني
***

من يوم رحتي تراني ماتناسيتك
وانتي بعد ياعيوني مانسيتيني
***

وش فيها لاجيت كلي شوق وضميتك
ودي أضمك غلا واشوفك بعيني
***

غلاك ونبرات صوتك مع تناهيتك
صاروا في عمري ياعمري شي روتيني
***

كلمة أحبك قليله مهما حبيتك
احساسي اقوى من احساس المحبيني
***

ودي اوصّف شعوري يوم لاقيتك
لكن تضيع الحروف ان جيت وجيتيني
***

تبينها بإختصار ( أنا تعاطيتك )
( مدمن ) وربي على الادمان باليني
***

من قبل أعرفك وأنا ياما تمنيتك
هواك عن شوفة الترفات معميني
***

واليوم في داخل الشريان حطيتك
برضاك تسرين في كل الشرايني
***

لا تسأليني أمانه ليه أنا جيتك
في داخلي شي قال إنك وحشتيني
***

شي ٍ لو إنك تحسينه وسط بيتك
طلعتي من باب بيتك ثم حضنتيني